2016年4月21日 星期四

投資股票可以$9千賺$55萬嗎? 飛鳥見過活例朋友奇遇

多謝止凡昨晚按排了一個飯局, 同場還有BLOGGER 80 後投資手記 以及香港大學投資學會的創辦人REX。飯局所談論範圍很多,如價值投資、投資資產不斷増值的股票、發掘高增長的公司、買高息股收息、買REITS、低息借貸投資等。

飯局內提起奇人奇股奇遇、小弟遇見過活例但可惜主角不是我~~~~
奇人-飛鳥的朋友就是個活生生的例子~~~~
奇股-當然不是天天都有些老散打去財演問點算仍持有未拆細時$70-$140-$250入的700騰訊控股云云,而是人所共知的590六福奇股
奇遇-是因為不是大數目的$9000閒錢,所以才守到14/5年又半遺忘此畢錢。。。

話說要追回1998/9年見樓股大跌,那時飛鳥與朋友只剛畢業20來出頭的年青人,要KEEP身材追女仔經常玩GYM,在健身談話中講到不如買金去保值,又可帶在身上威威,友人冇興趣佢話不如便直拿錢買金鋪股好過$9000(那年代手續費較貴約$500)24000股@$0.33-0.37左右分2次買左六福~~~~~
不相信有咁平、可以去港交所的網
一九九九年四月三十日(即本公布日期),股份及認股權證在聯交所之收市
價分別為每股0.33港元及每份0.01港元。
http://www.hkexnews.hk/listedco/listconews/SEHK/1999/0503/LTN19990503021_C.HTM
而我當時就買左$10000白金頸鏈自己帶
(=>現在回想、自己相當笨冇跟我朋友一樣買六福、走漏晒眼~~~~)

如是者過了就過了10年,飛鳥做過2份工,之後2007日本遊學左成年,回來香港後見白金都升左DOUBLE有突,就決定賣左條白金頸鏈(反正已入中年~~~儲錢結婚~~~),扣回手續費得$2萬只賺1倍

而講回主角的奇人就在前2年2013年尾,因剛生女趕住要上樓而週轉需要就賣晒590@$24,唔計已收又使晒的息,佢話淨賺$55萬左右(550K/9K約61倍),剛好做首期再加自己及老婆積蓄。。。(友人連派$3-4息收左用晒都話唔多覺,咁又係的對佢來講千零2千銀、對喜歡換手機的他轉頭都使晒~~~~)

上次見友人參觀佢的新屋時,又吹水話回想都有講後悔過冇30幾放,可以食得盡些云云。。。。

P.S.
閒錢及耐性是必需要有 (因為真是少少9千/1萬的閒錢而已,又唔上心才留到咁耐)
(而好多老散在升到不夠亳子股等到變$1或數元己走、更不要說$10已走左
飛鳥因實物用途就話帶足10年白金頸鏈,點會好似朋友咁唔理放足14/15年六福~~~~)

而這些奇股真係百中無一,只能歸類為奇遇
(奇股到成名時也是人所共知288港交所,330思捷,11恆生,700騰訊,590六福)
而選股來說朋友那時買是貪平、其實真係運氣多點、只作經典倍升例子參考
(如果買左周生生賺錢會少好多、買錯左景福或謝瑞麟就無左此奇遇故事)

23 則留言:

  1. 我身邊的同事老闆都有很多奇遇,不過全部都是買了很多中伏股,還要是跌到要上報的那些。

    不過對他們來說,我可能也是一個怪胎。始終大家的世界完全不同 :D

    回覆刪除
    回覆
    1. 如果講中伏股、飛鳥媽身邊的C9真唔少、有好跌完又跌多幾年內5合1、10合1的向下抄案例~~~~
      講回買中谷底時的奇股、而大賺上升週期超過50倍(真係百中冇一~~~)
      另2/3隻奇股賺5-10倍以上真係大有人在、如飛鳥爸的朋友買中330思捷、飛鳥媽有的C9朋友買中288港交所、11恆生等~~~~
      但飛鳥歸納要賺咁多倍KEYPOINT係
      <1>最主要選好股(買在谷底時不起眼時)
      <2>大數目不大的閒錢(約1-5萬咁/再多些大部份老散又會忍唔住所賺的數去止賺數銀紙),才做到買了又半遺忘此畢錢

      刪除
    2. 如果叫我去選擇,比較安全又大波幅的,應該是港交所了……遇到牛市肯定可以賺大錢,又不怕她會又供又合向下炒~

      等我財務自由後,可能會拿一點零錢去炒港交所 :D

      刪除
  2. 類似的事也出現在我身邊 : 金山軟件(3888)

    2009年,我的一個朋友強烈介紹我 金山軟件(3888),是未來的騰訊(0700)。 朋友重槌出擊後,全副身家,還說借了錢,7元左右一注獨贏。

    我當年因為買左樓收租,沒有什麼多餘錢,沒有研究亦買了一些,但很快但止蝕了。

    他然後一直沒有賣,坐左多年,所以有3到4年我完全不敢和他說股票。

    去年聽他說,他仍未賣。

    以他的性格,如果他持有的是騰訊(0700),他應該是賺十倍都一股不賣的人。

    回覆刪除
    回覆
    1. 金山軟件(3888) 我一直沒有認真看過它的業務。

      見到鍾記兄新書在3個章節,一共超過15頁紂論和分析 金山軟件(3888),下次見到這個朋友終於可以談論。

      係喎,等我通知佢,介紹老兵兄的新書給他先!

      ( ^_^ )

      刪除
    2. 講起金山軟件(3888)、小弟的確有興趣研究一下~~~
      難得籃冰有個咁有眼光又可以低位$7入的朋友、抄到$30都未放、的確奇人奇遇呢
      而鍾記本新書有咁多的評論和分析~~~
      小弟真的要認真睇睇吸收一下~~~~

      刪除
    3. 籃冰兄、話時話有年頭日劇套[風險之神]講RISK MANAGAMENT部門點HANDLE每個出左事的CASE真係好鬼過癮~~~

      刪除
    4. 感謝飛鳥兄的支持,多多指教。

      刪除
  3. 奇人奇股奇事,這個總結真有趣,哈哈。

    回覆刪除
    回覆
    1. 講起他的奇人奇事、似電視劇情多點、哈哈~~~

      刪除
  4. 投資生涯中,能夠賺十倍的股份真的不會多,能夠賺到的話,必須要感恩啊!

    回覆刪除
    回覆
    1. 友人不是愛研究股票類型、他很感恩當初沒有跟錯我的IDEA去買金帶、而因此啟發去買金鋪股又中左升得最勁的590六福~~~呵呵

      刪除
    2. 他真的很感恩呢、這畢錢幫了他上300百萬的樓3成首期的一大半~~~

      刪除
  5. 股票市場的奇人讓人大開眼界.


    回覆刪除
    回覆
    1. 我每次跟其他人講起此事、真的似電視劇情或電影小說多點、哈哈~~~

      刪除
  6. 回覆
    1. 坐貨十幾年其實唔係好難、友人不是愛研究股票類型、很少會按股票機、更何況是一萬幾千的閒錢、佢一早當係追女唱K買手飾禮物換手機等使左去~~~
      點知7/8年後見到週街六福一睇已升到$10、佢那時開始到中年、定性點會分析了見自由行潮流咁得、便可以繼續持有到要買樓莫財時才出貨~~~

      刪除
    2. 坐貨十幾年、KEYPOINT要你覺一萬幾千的閒錢買完可以忘記~~~

      刪除
  7. 個人認為運氣成分很大. 當故事看, 都幾有趣.

    回覆刪除
    回覆
    1. 是的~~~幸運選中股皇+些少可以遺忘入門錢 =>運氣
      運氣成分大於一切,當故事還好好笑~~~

      刪除